Վրաստանի ԿԳ նախարարը հասարակությանը շնորհավորում է Մայրենի լեզվի օրվա կապակցությամբ
Վրաստանի կրթության և գիտության նախարար Միխեիլ Չխենկելին, հասարակությանը շնորհավորում է Մայրենի լեզվի օրվա կապակցությամբ:
«Այսօր մենք նշում ենք Վրաստանի նորագույն պատմության ամենակարևոր ամսաթվերից մեկը` Մայրենի լեզվի օրը:
42 տարի առաջ, 1978 թվականի ապրիլի 14-ին, Վրաստանի բնակչությունը դիմադրեց վրացերենի համար պետական լեզվի կարգավիճակից զրկելու՝ Խորհրդային Միության մտադրությանը: Բնակչության զանգվածային խաղաղ ցույցը պահպանել է պետական լեզուն, որն իսկապես մեծ, պետական նշանակության իրադարձություն է:
Ես իմ մեծ հարգանքն ու երախտագիտությունն եմ հայտնում այն մարդկանց, ովքեր չորս տասնամյակ առաջ, մեծ ռիսկի գնով, պաշտպանեցին և սերունդների համար պահպանեցին մայրենի լեզուն` եզակի վրացական լեզուն, որն ունի դարավոր պատմություն:
Վրաց լեզվի նկատմամբ հոգատարությունը պետության հիմնական գերակայություններից մեկն է, քանի որ մայրենի լեզուն ոչ միայն այն լեզուն է, որով մենք խոսում և շփվում ենք, այլև մայրենի լեզուն երկրի ինքնության, միասնության և խաղաղ զարգացման նախապայմանն է»,- հայտարարել է Միխեիլ Չխենկելին:
Opinion, pooling and voting
