ԼՂ հակամարտության գոտու իրադրությունն ընդգրկվել է Թբիլիսիում բացվող ԵԱՀԿ-ի ԽՎ-ի նստաշրջանի օրակարգում
57 երկրների 700-ից ավելի պատվիրակներ ԵԱՀԿ Խորհրդարանական վեհաժողովի՝ հուլիսի 1-5-ը Թբիլիսիում անցկացվող տարեկան նստաշրջանում քննարկելու են գլոբալ միգրացիայի, տնտեսական համագործակցության, անվտանգության և մարդու իրավունքների ոլորտի մարտահրավերների հարցերը:
ԵԱՀԿ ԽՎ-ի նստաշրջանը կընթանա «Խորհրդարանական համագործակցության 25 տարին. վստահությունն ամրապնդելով երկխոսության միջոցով» նշանաբանի ներքո:
Ամառային նստաշրջանի շրջանակներում կկայանան քաղաքական հարցերի և անվտանգության, տնտեսական հարցերի, գիտության, տեխնոլոգիաների և շրջակա միջավայրի, ժողովրդավարության, մարդու իրավունքների ևհումանիտար հարցերի կոմիտեների նիստերը:
Նստաշրջանի օրակարգում ներառված է նաև Լեռնային Ղարաբաղի հակամարտության գոտում իրադրության ապրիլյան սրման հարցը:
Ուշադրության կենտրոնում են լինելու Եվրոպայի անվտանգության, միգրացիայի, գենդերային հավասարության, մարդու իրավունքների, նեոնացիզմ թույլ չտալու, իրավապահ մարմինների գործունեության համակարգման հարցերը՝ նպատակ ունենալով կանխել սեռական շահագործումը և երեխաների առեւտուրը:
Տարեկան նստաշրջանը կավարտվի «Թբիլիսիի հռչակագրի» ընդունմամբ և վեհաժողովի նախագահի ընտրությամբ։
www.1in.am