Անհայտ անձը կրակ է բացել Թբիլիսիի կենտրոնում. կա զոհ

Անհայտ անձը հրազենից կրակ է բացել Թբիլիսիի կենտրոնում: Մի երիտասարդ վիրավորվել է: Կրակողը ևս հայտնվել է հիվանդանոցում: Նրա վրա կրակել է զոհվածի ընկերը:

Դեպքը տեղի է ունեցել մոտավորապես կեսօրին ՝ Սաբուրթալոյի տարածքում գտնվող Նակաշիձե փողոցում:

Ականատեսների վկայությամբ ՝ հարձակվողը տեղաշարժվել է մոպեդով:

Նա մոտեցել է տուժածին, պայուսակից հանել զենքն ու կրակել զոհի ուղղությամբ, ինչի հետևանքով տղամարդը ստացել է երկու վնասվածք:

Հարձակման պահին զոհը եղել է ընկերոջ հետ: Կրակոցից հետո նրա ու հարձակվողի միջև ծեծկռտուք է տեղի ունեցել, որի հետևանքով հարձակվողը ստացել է գլխի լուրջ վնասվածք:

Տեղ հասած ոստիկանությունը տաք հետքերով ձերբակալել է հարձակվողին:

Այս պահին թե՛ վիրավորը, թե՛ զինված անձը տեղափոխվել էին հիվանդանոց: Երկուսի վիճակը կայուն է. նրանց կյանքին վտանգ չի սպառնում:

ՆԳՆ-ից հայտնել են, որ փաստի առթիվ հետաքննություն է սկսվել սպանության փորձ կատարելու և ապօրինի զենք գնելու, պահելու և կրելու հոդվածներով: