Տուգանք՝ մաքրության դիմաց. Նինոծմինդայի քաղաքապետարանի աշխատակիցներին տուգանք է սպառնում
«Հարավային դարպաս» ֊ը գրում է.
Ապրիլի 22֊ին, Երկր օրվա կապակցությամբ, Նինոծմինդայի քաղաքապետարանի աշխատակիցները մաքրման ակցիաներ անցկացրեցին և հավաքված թափոններն այրել են բաց տարածքում, այդ թվում ՝ Կենտրոնական պարկի տարածքում և գետի ափին: Միջոցառմանը մասնակցում էր նաև քաղաքապետ Անիվարդ Մոսոյանը: Մասնագետների կարծիքով, նման գործողությունը օրենքի խախտում է, ուստի տեղական ինքնակառավարման մարմինների ներկայացուցիչներին սպառնում է 500-ից 1500 լարի տուգանք:
Նինոծմինդայի քաղաքապետարանը իր ֆեյսբուքյան էջում վերբեռնել էր մաքրման ակցիայի լուսանկարները: Միջոցառմանը, բացի ինքնակառավարման մարմիններից, մասնակցում էին նաև բժշկական ոլորտի ներկայացուցիչներ և մաքրման ծառայության աշխատակիցներ: Այն բանից հետո, երբ «Հարավային դարպասը» հետաքրքրվել է թեմայով ու կապ հաստատել Անիվարդ Մոսոյանի հետ, Քաղաքապետարանը ջնջել է թափոնների այրման լուսանկարները:
«Մենք տերևները չենք այրել, մենք այրել ենք արկղերն ու թղթի թափոնները: Պատահաբար եղավ, մենք կանաչ շարժումից նամակ ստացանք և մաքրման գործողություն իրականացրեցինք: Երբ խախտման փաստը հաստատվի, մենք կգործենք համապատասխանաբար և կառաջնորդվենք կանոնով և օրենքով»,- ասել է Նինոծմինդայի քաղաքապետ Անիվարդ Մոսոյանը:
Ըստ Բնապահպանական վերահսկողության վարչության, Թափոնների կառավարման օրենսգրքի 35-րդ հոդվածի առաջին մասի համաձայն, քաղաքային ոչ վտանգավոր թափոնների (տերևների, կենցաղային թափոնների) այրումը պատժվում է 500 լարի տուգանքով: Իրավաբանական անձանց տուգանքի չափը 500-ից 1000 լարի է: Նշենք նաև, որ եթե թափոնները պարունակում են անվադող կամ այլ տեսակի կաուչուկ, ապա նախատեսվում է 1500 լարի տուգանք:
«Փաստն ուսումնասիրելուց հետո կգնահատվի, թե ինչ տեսակի թափոն է այրվել, այնուհետև քաղաքացին կտուգանվի կամ կզգուշացվի: Դեպքը կքննի մարզային տեսչական ծառայությունը»,- ասել են Բնապահպանական վերահսկողության վարչությունում: Այս պահին անհայտ է, թե յուրաքանչյուր անձին կամ կազմակերպությանը ինչ պատասխանատվություն է տրվելու:
Վրաստանի կանաչ շարժման գրասենյակի տնօրեն Նինո Չխոբաձեն ասում է, որ անթույլատրելի է տերևները այրել բաց տարածքում, քանի որ դրանց արտանետումները շնչառական համակարգի հետ կապված տարբեր խնդիրներ են առաջացնում:
«Մեր կողմից այրված բույսը կլանում է ծանր մետաղներ, դրա այրումը նպատակահարմար չի համարվում: Պետք է առանձին հավաքել և պարարտացնել: Ինչ վերաբերում է փողոցում այրելուն, դա խստիվ արգելված է, քանի որ արտանետումը շնչառական հիվանդություններ է առաջացնում, մյուս կողմից` ալերգիա»,- ասել է Նինո Չխոբաձեն
Հիշեցնենք, որ ապրիլի 22-ը երկրի համաշխարհային օրն էր:
Opinion, pooling and voting
