Քաղաքացիություն ստանալու մերժման վերաբերյալ վիճակագրությունը
Վրաստանում հրապարակվել է քաղաքացիություն և կացության թույլտվություն ստանալու մերժման վերաբերյալ վիճակագրություն
2020 թվականին Վրաստանի պետական անվտանգության ծառայությունը դրական պատասխան է տվել Վրաստանի քաղաքացիություն շնորհելու շուրջ 8 հազար դիմումի և տարբեր կացության թույլտվությունների մինչև 18 հազար դիմում: Այս մասին խորհրդարանում իր ելույթի ժամանակ հայտարարել է Վրաստանի Պետական անվտանգության ծառայության ղեկավարի առաջին տեղակալ Վախթանգ Բատիաշվիլին:
Միևնույն ժամանակ, հաշվի առնելով պետական անվտանգության շահերը, բացասական պատասխան է տրվել քաղաքացիություն ստանալու ավելի քան 200, իսկ կացության թույլտվություն ստանալու շուրջ 2.4 հազար դիմումներին:
«Վրաստանի պետական անվտանգության ծառայությունը հատուկ ուշադրություն է դարձնում միգրացիոն ալիքների դիտարկմանը», – ասել է Բատիաշվիլին:
Նրա խոսքով, անցած տարվա ընթացքում գործառնական գործունեության արդյունքում Պետական անվտանգության ծառայությունը բացահայտել է մի շարք անձանց, ովքեր փորձել են ապօրինի մուտք գործել Վրաստան և ձեռք բերել տարբեր տեսակի կացության թույլտվություններ: Բացահայտվել են նաև աջակցող կազմակերպություններն ու անհատները:
Այս փաստերին հետագա արձագանքելու համար Պետական անվտանգության ծառայությունը համակարգում էր աշխատանքը ինչպես արդարադատության նախարարության, այնպես էլ Վրաստանի ներքին գործերի նախարարության, ինչպես նաև տարբեր համապատասխան գերատեսչությունների հետ:
Opinion, pooling and voting
