Ինչ եղանակ կլինի Վրաստանում Զատկական օրերին

Զատկին ՝ մայիսի 2-ին, Վրաստանում սպասվում է տաք եղանակ, առավելապես առանց տեղումների: Այս մասին հայտնում է շրջակա միջավայրի ազգային գործակալությունը:

Շաբաթ օրը ՝ մայիսի 1-ին, օդերևութաբանները կանխատեսում են պարբերական անձրև և ամպրոպ Արևմտյան և Արևելյան Վրաստանի առանձին շրջաններում: Օդի ջերմաստիճանը կլինի + 18-ից +23 աստիճան:

Արեւմտյան Վրաստանում մայիսի 2֊ից 3-ին սպասվում է առանց տեղումների տաք եղանակ: Ջերմաստիճանը կբարձրանա մինչեւ +30 աստիճան: Արեւելյան Վրաստանում տեղ-տեղ հնարավոր է անձրև, օդերևութաբանները կանխատեսում են մինչև + 27 աստիճան տաքություն:

Ինչ վերաբերում է Թբիլիսիին, մայիսի 1-ին այստեղ սպասվում են անձրեւներ ու ամպրոպ, իսկ մայիսի 2-ից 3-ին ցերեկային ժամերին սպասվում են տեղումներ: Մայրաքաղաքում օդի ջերմաստիճանը կլինի +24, +26 աստիճան:

---

---