Վրաստանում գերեզմանատները փակ կլինեն 3 օրով

Մայիսի 2-ից մայիսի 4-ը ողջ Վրաստանում խստիվ արգելվում է այցելել գերեզմանատներ, ասել է կորոնավիրուսի դեմ պայքարի միջգերատեսչական համակարգող խորհրդի գործառնական շտաբի ղեկավար Գեորգի Գիբրաձեն:

Սահմանափակումն ուժի մեջ չի լինի մայիսի 4-ից հետո, և բոլորը արդեն կկարողանան այցելել գերեզմաններ:

«Ինչպես բազմիցս նշվել է, Համակարգող խորհրդի կողմից ընդունված բոլոր որոշումները հիմնականում պայմանավորված են համաճարակաբանական իրավիճակով և առկա ռիսկերով, որոնք կարող են ուղեկցել այս կամ այն ​​իրադարձությանը: Հետևաբար, ինչպես այս տարի, այնպես էլ անցյալ տարի արգելվեց այցելել գերեզմանատներ», – ասել է նա:
Բացի այդ, ըստ նրա, երկրում կփակվեն գերեզմանոցներ տանող ճանապարհները:

Բացի գերեզմանատների փակումից, Զատկի տոներին երկրի կառավարությունը մտցրել է մի շարք այլ սահմանափակումներ. Եկեղեցիներում պատարագները պետք է անցկացվեն համաճարակային կանոնների առավելագույն պահպանմամբ: Զատկի գիշերը `մայիսի 1-ից մայիսի 2-ը, տեղաշարժի սահմանափակումը կթուլանա. տեղաշարժվել հնարավոր չի լինի 23։00֊ից 4։00֊ն։ Հասարակական տրանսպորտը կդադարեցվի մայիսի 3-ից 12-ը:

---

---