Կրակոցներ Երևանում. ոստիկանները տաք հետքերով պարզել են, որ հեղինակը 36-ամյա կին է

Shamshyan.com-ի տեղեկություններով՝ երեկ՝ մայիսի 6-ին, կրակոցներ են հնչել Երեւանում:

Մալաթիա-Սեբաստիա վարչական շրջանի Բաբաջանյան փողոցի շենքերից մեկի մոտից խուլիգանություն կատարելու կասկածանքով ոստիկանության Մալաթիայի բաժին են բերման ենթարկել նույն վարչական շրջանի բնակիչ, 36-ամյա Լուսինե Կ.-ին։

Աղբյուրի տեղեկություններով՝ պարզվել է, որ մայիսի 5-ին՝ ժամը 22:00-ի սահմաններում, Բաբաջանյան փողոցի շենքի բակում Լուսինե Կ.-ն իրեն ծանոթ տղայի հետ ավտոմեքենայի սրահում վիճաբանել է, ապա նրան վախեցնելու նպատակով իր մոտ եղած ատրճանակից մի քանի անգամ կրակոցներ է արձակել:

Տուժածներ չկան, ոստիկանները հայտնաբերել են նաեւ ատրճանակը:

Ձեռնարկվում են անհրաժեշտ օպերատիվ-հետախուզական միջոցառումներ՝ տղայի ինքնությունը պարզելու և նրան հայտնաբերելու ուղղությամբ:

Փաստի առթիվ ոստիկանության նյութեր են նախապատրաստվում: