Վրաստանի կառավարությունը հողեր վարձակալողներին նոր արտոնություններ է առաջարկում
Ինչպես կառավարության նիստից հետո կայացած ճեպազրույցում ասել է էկոնոմիկայի և կայուն զարգացման նախարար Նաթիա Թուրնավան, սա 25% «զեղչ» է հողատարածք գնելիս:
«Գյուղատնտեսական նշանակության հողերի մատչելիությունը բարձրացնելու և վարձակալողներին իրենց իրավունքները ավելի արդյունավետ օգտագործելու և ուղիղ կարգով հողեր գնելու համար, մենք որոշեցինք նրանց 25 տոկոս զեղչ տրամադրել: Մենք խոսում ենք բավականին մեծ տարածքների մասին », – ասել է Թուրնավան:
Նախարարի խոսքով ՝ մարդիկ տարիներ շարունակ մշակում էին այդ հողերը, ուստի կառավարությունը որոշեց այդ հողերն նրանց համար ավելի մատչելի դարձնել:
Նոր խթաններն ուղղված են մասնավոր ներդրումների ներգրավմանը:
Ինչպես նշել է Թուրնավան, արտոնությունների ներդրման մասին հրամանը կստորագրվի այսօր և անմիջապես ուժի մեջ կմտնի:
Կառավարության խնդիրն է նվազագույնի հասցնել անմշակ տարածքները և խթանել քաղաքացիների զբաղվածությունը:
Opinion, pooling and voting
