Սպանություն ֆերմայում. Սամցխե- Ջավախեթիում ձերբակալվել է 60-ամյա հովիվը

Ոստիկանության աշխատակիցները պարզել են Սամցխե-Ջավախեթիում՝ Ասպինձայի շրջանում սպանության փաստը. Ձերբակալվել է 60-ամյա մի տղամարդ: Այս մասին այսօր հայտնել է Վրաստանի ներքին գործերի նախարարությունը:

Դեպքը տեղի է ունեցել Բուզմարեթի գյուղի ֆերմայում, որտեղ մեղադրյալն ու տուժողը հովիվ էին աշխատում:

Քննության համաձայն ՝ հովիվների միջեւ կոնֆլիկտ է եղել, նրանցից մեկը սառը զենքով վիրավորել է իր 38-ամյա ընկերոջը, կրծքավանդակի շրջանում: Արդյունքում տղամարդը տեղում մահացել է:

Ասպինձայի տարածքում դեպքից անմիջապես հետո ոստիկանությունը բերման է ենթարկել մեղադրյալին: Որպես իրեղեն ապացույց առգրավվել է սպանության սառը զենքը՝ դանակը:

Քրեական գործը հարուցվել է «կանխամտածված սպանություն» հոդվածով: Մեղադրյալին սպառնում է ազատազրկում յոթից 15 տարի ժամկետով:

---

---