ԱԻՆ-ը ներկայացրել է կանոնները, որոնք պետք է պահպանել Լարսով երթևեկելիս
ՀՀ արտակարգ իրավիճակների նախարարությունը տեղեկացնում է, որ Վրաստանի ՆԳՆ ԱԻ դեպարտամենտից ստացված տեղեկատվության համաձայն այսօր՝ հուլիսի 6-ին ժամը 15.00-ից մինչև 20.00 և վաղը՝ ժամը 05.30-ից մինչև 20.00 Լարսի ավտոճանապարհը կբացվի, իսկ երեկոյան ժամերին, անվտանգության նկատառումներից ելնելով, կրկին կփակվի:
Ավտոճանապարհը բաց է բոլոր տեսակի ավտոմեքենաների համար՝ պահպանելով ներքոնշյալ կանոնները.
-միաժամանակ երկու կողմերից հանդիպակած երթևեկությունը արգելվում է,
-երթևեկությունը պետք է իրականացվի առանց կանգառների,
-ինտենսիվ տեղումների դեպքում արգելել տրանսպորտային միջոցների երթևեկությունը,
Երթևեկությունը նշված կարգով իրականացնել պարեկային ոստիկանության անմիջական վերահսկման և կոորդինացման ներքո:
www.tert.am