Տեղի ունեցավ առաջիկա խորհրդարանական ընտրություններին առնչվող թրենինգ
Հուլիսի 6-ին Նինոծմինդայի Երիտասարդական կենտրոնում ՛՛Վրաստանում ժողովրդավարության ամրապնդման կենտրոն՛՛ ոչկառավարական կազմակերպությունը Վիրահայերի միության և “PITA” երիտասարդական կենտրոնի աջակցությամբ անցկացրեց ՛՛Ես երիտասարդ ընտրող եմ՛՛ անվանումը կրող թրենինգ:
Նախագիծը իրականացվում է Վրաստանի 7 տարածաշրջաններում և Թբիլիսի քաղաքում: Այն ֆինանսավորվում է Ընտրական համակարգերի միջազգային հիմնադրամի (IFES) կողմից: Թրենինգի նպատակն է իրազեկել երիտասարդությանը ընթացիկ տարվա հոկտեմբերին Վրաստանում սպասվելիք խորհրդարանական ընտրությունների մասին:
Մանրամասների մասին մենք տեղեկացանք ՛՛Վրաստանում ժողովրդավարության ամրապնդման կենտրոն՛՛ ոչկառավարական կազմակերպության նախագահ Նիկա Փարցմանիայից:
Անաիտ Զալալյան