Վրաստանի ԿԳ նախարար Միխեիլ Չխենկելին շնորհավորել է շրջանավարտներին դպրոցն ավարտելու առթիվ

Վրաստանի կրթության և գիտության նախարար Միխեիլ Չխենկելին շնորհավորել է շրջանավարտներին դպրոցն ավարտելու առթիվ և հաջողություններ մաղթել նրանց:

«Հարգելի երիտասարդներ, ձեր կյանքի մեկ ծայրահեղ կարևոր ժամանակաշրջանն ավարտվել է, նոր գիտելիքներ և ընկերներ ձեռք բերելու 12 տարին: Այսօր դուք դուրս կգաք դպրոցի պատերից և կմտնեք կյանքի նոր փուլ:

Չեմ կարող չնշել, որ դուք առանձնահատուկ երիտասարդներ եք: Երբ համավարակը կտրուկ փոխեց բոլորիս կյանքը, դուք հաղթահարեցիք անսպասելի դժվարությունները և հաջողությամբ ավարտեցիք ձեր ուսումը: Այս հիանալի փորձը, անկասկած, դրական ազդեցություն կունենա ձեր ապագայի վրա, և ես համոզված եմ, որ ձեր կյանքի ուղու յուրաքանչյուր մարտահրավեր կվերածեք հնարավորության:

Ես ուզում եմ, որ միշտ հիշեք, որ կրթությունը ձեր ապագայի հիմքն է և հասարակության ճիշտ ուղղությամբ զարգացման կարևորագույն նախադրյալներից մեկը: Մի մոռացեք սա, քանի որ վաղվանից ձեր առջև շատ հետաքրքիր հեռանկարներ են բացվում, կյանքը ձեզ նոր հնարավորություններ կբերի, ձեզ սպասվում են նոր հարաբերություններ, ընկերներ և պարտականություններ: Իմ ամբողջ սրտով հաջողություն եմ մաղթում ձեզ կյանքի այս նոր փուլում: Համոզված եմ, որ գիտելիքներ ստանալու և դրանք խորացնելու ցանկությունը երբեք չի մարելու:

Եվս մեկ անգամ ուզում եմ ձեզ երջանիկ և հետաքրքիր կյանք մաղթել: Հիշե՛ք, որ դուք եք ստեղծում մեր երկրի ապագան: Մենք ունենք ձեր հույսը», – հայտարարել է Միխեիլ Չխենկելին:

Կրթության նախարարի շնորհավորանքները տարածում է գերատեսչության մամուլի ծառայությունը:

---

---