Ջանելիձեն կարող է դառնալ ԱՄՆ-ում Վրաստանի դեսպան
ԱՄՆ-ում Վրաստանի դեսպան կարող է նշանակվել ներկայիս արտգործնախարար Միխեիլ Ջանելիձեն։ Համապատասխան տեղեկատվությունը տարածել է GDS հեռուստաընկերությունը։
Հաղորդվում է, որ եթե Ջանելիձեն դառնա ԱՄՆ-ում Վրաստանի դեսպան, ապա երկրի արտգործնախարարի պաշտոնում նրան կարող է փոխարինել փոխարտգործնախարար Դավիթ Զալկալիանին։
Ջանելիձեն անձամբ չի հաստատել այդ լուրը՝ հայտարարելով, որ որևէ նման տեղեկատվություն չունի և շարունակելու է աշխատել ներկայիս պաշտոնում։
Ներկա դրությամբ դեռ պաշտոնապես հաստատված չէ, որ Արչիլ Գեգեշիձեն լքելու է ԱՄՆ-ում Վրաստանի դեսպանի պաշտոնը։ Նրա շուրջ սկանդալը սկսվեց այն բանից հետո, ինչ Գեգեշիձեն վրացի բլոգերներից մեկի հետ զրույցում հայտարարեց, որ Վրաստանի ղեկավարությունում կան ռուսամետ ուժեր, ինչը բազմակարծության նշան է։
www.1in.am