Նինոծմինդայի մաքսատան ծառայողները հայտնաբերել են վրացական ապրանքների կեղծում

Վեց ամիսների ընթացքում Վրաստանի մաքսային ծառայությունները հայտնաբերել են վրացական անունների և ապրանքային նշանների ապօրինի օգտագործմամբ ապրանքներ տեղափոխելու մի քանի փորձեր, ասվում է եկամուտների ծառայության կայքում տեղադրված հայտարարության մեջ:

Ծառայության համաձայն, մաքսատների աշխատակիցները ստուգել են այն ապրանքները, որոնք ավտոմեքենաներով տեղափոխվում էին Ուկրաինա, Ռուսաստան, Ղազախստան և ԱՄՆ, Ադրբեջան այլ անցակետերով և Հայաստան՝ Նինոծմինդայի անցակետով:

Ստուգման արդյունքում հայտնաբերվել է 43.7 հազար շիշ ալկոհոլային արտադրանք «ԿԱԽԵԹ» և «ԱՐԱԶԱՆԻ», 18 հազար շիշ «Չաչա» անուններով և 200 կիլոգրամ քաղցրավենիք, որի անվանումը պարունակվում էր «ՉՈւՐՉԽԵԼԱ» բառը:

Եկամուտների ծառայությունը նշում է, որ Վրաստանի օրենսդրության համաձայն, վրացական աշխարհագրական անվանումների և ապրանքային նշանների օգտագործումը թույլատրվում է միայն դրա նկատմամբ իրավունքներ ստանալուց հետո, և արգելվում է ապրանքների արտադրությունը, որի անվանումը կարող է մոլորության մեջ գցել սպառողներին:

Վեց ամսվա ընթացքում բացահայտված փաստերի վերաբերյալ բոլոր նյութերը փոխանցվել են քննչական մարմիններին:

Բոլոր վրացական արտադրանքները, ներառյալ արտահանվողները, ըստ վրացական օրենսդրության, պետք է պարունակեն վրացերեն լեզվով քերականորեն ճիշտ գրություն, որը համապատասխանում է ապրանքային նշանին կամ աշխարհագրական անվանը և «Արտադրված է Վրաստանում» մակնշմամբ:

---

---