Պետծառայությունը Նինոծմինդայի մանկատնից եւս 2 երեխա տարավ

Մի քանի րոպե առաջ Պետծառայությունը Նինոծմինդայի մանկատնից եւս 2 երեխա տարավ:

Ավելի վաղ հայտնել էինք, որ վեց անչափահասներ արդեն լքել են Նինոծմինդայի մանկատունը:

Պետական ​​խնամքի և թրաֆիքինգի զոհերի, տուժածների օգնության գործակալությունը հայտարարություն է տարածում Նինոծմինդայի գիշերօթիկ դպրոցի վերաբերյալ:

Հայտարարության համաձայն, այն բանից հետո, երբ երեխաների խնամքի ծառայությանը հնարավորություն տրվեց մտնել Նինոծմինդայի մանկատուն և իրականացնել իր գործունեությունը, վեց անչափահասներ ցանկություն հայտնեցին լքել հաստատությունը: Նրանց շահերից ելնելով, գործակալությունը պատշաճ կերպով արձագանքեց և արդեն ապահովեց նրանց տեղափոխումը խնամքի մեկ այլ ձևի:

Ըստ Պետական ​​խնամքի և թրաֆիքինգի զոհերի, տուժածների օգնության գործակալության, այսօրվա դրությամբ, բոլոր խոշոր մանկատներում իրականացվում է ապաինստիտուցիոնալացման գործընթաց:

Ներկայումս ընթանում են ինտենսիվ աշխատանքներ, նույնականացվել է ևս տաս երեխա, որոնց տեղափոխման շուրջ այժմ ընթանում են աշխատանքներ:

Այս պահին Նինոծմինդայի մանկատանն են սոցիալական աշխատողները և Բժշկական գործունեության կարգավորման պետական ​​գործակալության ներկայացուցիչները:

Հնչած փաստերի հետ կապված՝ հետաքննության շահերից ելնելով, գործին ներգրավվել են նաև գործակալության հոգեբանները», – ասված է առողջապահության նախարարության մամուլի ծառայության հաղորդագրության մեջ:

---

---