Էդգար Ստամբոլցյանը նշանակվել է երեխաների իրավունքների պաշտպանության վարչության պետ

Նինոծմինդայի քաղաքապետարանում գործում է նոր վարչություն՝ երեխաների իրավունքների պաշտպանության և աջակցության վարչություն:

Հունիսի 14-ին Էդգար Ստամբոլցյանը նշանակվեց քաղաքապետարանում երեխաների իրավունքների պաշտպանության նոր վարչության պետ:

Ըստ Էդգար Ստամբոլցյանի, կիրականացվի մոնիտորինգ, և եթե բացահայտվեն երեխաների իրավունքների խախտումներ, համապատասխան միջոցներ կձեռնարկվեն:

«Եթե երեխան ապրում է սոցիալապես անապահով ընտանիքում և սոցիալական օգնություն չի ստանում, կամ չի կարող ծննդյան վկայական ստանալ տարբեր պատճառներով, մենք կարող ենք օգնել», – հավելեց Էդգար Ստամբոլցյանը:

Էդգար Ստամբոլցյանն ավարտել է Ուկրաինայի բարձրագույն ռազմական ակադեմիան, մասնագիտությամբ ինժեներ է: 2010 թվականից աշխատել է քաղաքապետարանի առողջության և սոցիալական պաշտպանության վարչությունում ՝ որպես ավագ մասնագետ:

Մանրամասները՝ աուդիոնյութում.

---

---