Հայտարարվել են աշխարհի լավագույն ավիաընկերությունները
Բրիտանական Ֆարնբորո քաղաքում համաշխարհային խոշորագույն ավիասրահի ընթացքում հայտարարվել են 2016թ. աշխարհի լավագույն ավիաընկերությունները` ըստ World Airline Awards-ի:
Հաղթողների անունները տեղակայված են Skytrax մասնագիտացված կոնսալթինգային ընկերության կայքում, որն էլ հանդիսանում է մրցանակաբաշխության հիմնադիրը, գրում է Tert.am-ը:
Վարկանիշային ցուցակում առաջին հորիզոնականը զբաղեցրել է Emirates ավիաընկերությունը ԱՄԷ-ից: Նրան հաջորդելով առաջին տասնյակում են հայտնվել Qatar Airways, Singapore Airlines, Cathay Pacific, ANA All Nippon Airways, Etihad Airways, Turkish Airlines, EVA Air, Qantas Airways և Lufthansa ընկերությունները:
Ցուցակը կազմվել է ավիափոխադրողների հաճախորդների շրջանում հարցման արդյունքների հիման վրա, հետևաբար այն նշվում է նաև որպես «Ուղևորների ընտրություն» անվանակարգ: