Պարետային ժամը հավանաբար կվերացվի. Ցերցվաձե
Տեղաշարժի սահմանափակումը, հավանաբար, կվերացվի, – լրագրողներին ասել է Թբիլիսիի ինֆեկցիոն հիվանդանոցի տնօրեն Թենգիզ Ցերցվաձեն:
«Իմ կարծիքով, սահմանափակումները պետք է վերացվեն: Բոլոր ճանապարհներն այդտեղ են տանում: Գործնականում ի՞նչ սահմանափակումներ են մնացել: Միայն պարետային ժամը և նվազագույն ժամանակահատվածով: Հավանաբար, նույնպես կչեղարկվի պարետային ժամը: Սակայն աշխարհում ամեն տեղ այդպես չէ: Ի տարբերություն մեզ՝ եվրոպական առաջատար երկրներում արգելափակումների մեղմացումը վերջերս է սկսվել», – ասել է Ցերցվաձեն:
Ըստ Ցերցվաձեի, Վրաստանում 2021 թվականի վերջին վիրուսի տարածման դեպքեր կլինեն, որին կլինիկական հատվածը հեշտությամբ կդիմակայի:
Սակայն, ինչպես ասում է ինֆեկցիոն հիվանդանոցի տնօրենը, մինչ այդ, օգոստոսի վերջից կամ սեպտեմբերի սկզբից, երկրում կարող է լինել վիրուսի տարածման չորրորդ ալիք, այն կլինի մեղմ, ի տարբերություն նախորդ փուլերի:
Չորրորդ ալիքից ամբողջովին խուսափելու համար նա խորհուրդ է տալիս բնակչությանը ամռան սեզոնին ինտենսիվորեն շնչադիմակ կրել:
«Իմ կարծիքն այն է, որ չորրորդ ալիքը կարող է լինել, բայց շատ ավելի մեղմ կլինի: Ի՞նչն է ինձ թույլ տալիս դա ասել: Մինչև սեպտեմբեր Վրաստանում պատվաստվելու են շատ ավելի շատ մարդիկ, հուլիսից կսկսվեն զանգվածային պատվաստումները: Իմունիտետ ունեցող անձանց թիվը շատ ավելի մեծ կլինի: Մենք լիովին կխուսափենք թե ոչ չորրորդ ալիքից, կախված է մեզանից: Եթե մենք ամռանը դիմանանք և չնվազեցնենք շնչադիմակների օգտագործումը։ Իմ կանխավարկածով, Վրաստանում տարեվերջին կհաղթահարվի համաճարակը», – ասել է Թենգիզ Ցերցվաձեն:
Opinion, pooling and voting
