Ծալկայում հարձակվել են լրագրողի վրա. ՏԵՍԱՆՅՈւԹ
Վրաստանի ՆԳՆ-ն հետաքննություն է սկսել Ցինցղարո գյուղում (Քվեմո Քարթլիի շրջան) ընդդիմադիր TV Pirveli հեռուստաընկերության լրագրողների վրա հարձակման դեպքի առթիվ, հայտնում են իրավապահ մարմինները:
Քրեական գործ է հարուցվել ծեծի և լրագրողի աշխատանքին միջամտելու հատկանիշներով:
Հեռուստաընկերության հաղորդմամբ ՝ լրագրողն ու օպերատորը գյուղ են ժամանել ՝ տեղական իշխանությունների կողմից հողերի յուրացման դեմ տեղի բնակիչների բողոքը լուսաբանելու համար: Երբ նրանք սկսել են նկարահանել, ակցիային հայտնվել է գյուղապետի քեռին՝ ոմն Գոչա Ապրասիձեն, ով սկսել է վիրավորել լրագրողներին և ցանկացել է արգելել նկարահանումները: Հետո նա հարձակվել է լրագրողի և օպերատորի վրա և ջարդել տեսախցիկը:
Վրաստանի ՆԳՆ մամուլի ծառայության փոխանցմամբ ՝ ոստիկանությունն անմիջապես ժամանել է հանցագործության վայր և արդեն սկսել է քննչական միջոցառումներ ՝ մեղադրանք առաջադրելու համար:
Գյուղապետը աչք է փակում բռնությունների վրա և չի պատասխանում այն հարցին, թե ինչու է խլում գյուղացիներին պատկանող հողերը:
TV Pirveli- ի նկարահանած կադրերն ուղղակիորեն ցույց են տալիս, թե ինչպես է գյուղապետի քեռին սպառնում այն մարդկանց, ովքեր պահանջում են վերադարձնել բռնագրավված հողերը:
Գոչա Ապրասիձեն տեղացի ֆեոդալ է: Ծալկայի բնակիչները մասնավոր զրույցներում չեն թաքցնում, որ վերջինս օգնում է «Վրացական երազանքին» տարբեր եղանակներով ձայներ մոբիլիզացնելու հարցում, և, հետեւաբար, վայելում է անձեռնմխելիության երաշխիքը: Հայտնում է TV Pirveli հեռուստաընկերությունը։
Տեղացիների խոսքով՝ ամբողջ գյուղը գրավվել է Ապրասիձեների կողմից: Ներառյալ վարչական շենքերը:
Տեսանյութը՝ այստեղ
