Բաթումիում հաշմանդամություն ունեցող մարդկանց համար ստեղծել են լողափ

Սևծովյան առողջարանային Բաթումի քաղաքում բացվել է հաշմանդամություն ունեցող անձանց համար հարմարեցված լողափ, ասվում է քաղաքապետարանի ֆեյսբուքյան էջում տարածված հաղորդագրության մեջ:

Ըստ քաղաքապետարանի, նոր լողափը գտնվում է Գրիբոյեդով փողոցի հարեւանությամբ: Հատկապես լողափում հաշմանդամություն ունեցող անձանց համար կան հատուկ արահետներ, ցնցուղներ և տնակներ՝ հագուստը փոխելու համար:

Բացի այդ, լողափում կլինեն հատուկ լողասայլակներ, որոնց օգտագործումը կլինի անվճար:

Լողափում կլինի նաեւ հատուկ պատրաստված անձնակազմ ՝ օգնելու հաշմանդամություն ունեցող անձանց:

Բաթումիի քաղաքապետարանը հայտնում է, որ նման լողափեր կհայտնվեն քաղաքի այլ մասերում ևս:

---

---