Հարբած վիճակում մոպեդ վարելու դեպքում տուգանքները հնարավոր է աճեն

Վրաստանի խորհրդարանը ստացավ ալկոհոլի կամ թմրանյութերի ազդեցության տակ մոպեդ վարելու համար պատժամիջոցները խստացնելու նախաձեռնություն:

Վարչական իրավախախտումների վերաբերյալ օրենսգրքում համապատասխան փոփոխությունների հեղինակները ընդդիմադիր «Քաղաքացիներ» կուսակցության անդամներն են, պատգամավորներ Ալեկո Էլիսաշվիլին և Լեւան Իոսելիանին:

Փոփոխությունների համաձայն՝ հարբած վիճակում մոպեդ վարելու համար տուգանքը 300-ից կդառնա 500 լարի, իսկ թմրանյութերի և հոգեմետ դեղերի ազդեցության տակ ՝ 600-ից 1,500 լարի:

Որպեսզի փոփոխությունները դառնան օրենք, դրանց պետք է սատարեն իշխող «Վրացական երազանք – ժողովրդավարական Վրաստան» կուսակցության պատգամավորները, որոնց ներկայացուցիչները դեռ չեն մեկնաբանել ընդդիմադիր կուսակցության նախաձեռնությունը:

Մինչդեռ մոպեդը Վրաստանում ամենատարածված փոխադրամիջոցներից մեկն է: Այն ավելի հաճախ նախընտրում են երիտասարդները: Վրաստանի ներքին գործերի նախարարությունը նախաձեռնել է քննություններ հանձնել այս մեքենաների վարորդական իրավունք ստանալու համար՝ 2019 թվականին, սակայն փոփոխությունները երբեք չեն ընդունվել:

---

---