Հոկտեմբերի 4-ին բոլոր պետական և մասնավոր դպրոցները կսկսեն ուսուցումը դպրոցական շենքերում
Վրաստանի բոլոր պետական և մասնավոր դպրոցները լիարժեք պատրաստվածություն ունեն՝ հոկտեմբերի 4-ից դպրոցի շենքերում ուսումը սկսելու համար: Այդ մասին տեղեկատվություն է տարածում Վրաստանի կրթության նախարարությունը:
Գերատեսչության տվյալներով, աշակերտների, ուսուցիչների և դպրոցի ղեկավարության անվտանգության և որևէ այլ ռիսկից խուսափելու համար նախարարությունում և համակարգի շրջանակներում գործող բոլոր համապատասխան գերատեսչությունների կողմից դպրոցներում հսկայական աշխատանք է կատարվել:
Արդյունքում, առողջապահության նախարարության կողմից մշակված բոլոր հանձնարականները խստորեն կպահպանվեն դպրոցներում, ինչը կապահովի վիրուսի կանխարգելումը և որակյալ կրթության հասանելիությունը:
«Ամբողջ երկրում նախարարությունն ավարտել է ոչ միայն հանրակրթական դպրոցների հիգիենայի պարագաներով հագեցումը, այլև դպրոցների ենթակառուցվածքների բարելավումը:
Մասնավորապես, նախարարության կրթական և գիտական ենթակառուցվածքների զարգացման գործակալության կողմից կազմակերպված հանրակրթական հաստատություններին տրամադրվում են համապատասխան ախտահանիչ լուծույթներ, շնչադիմակներ, ջերմաչափման սարքեր և ախտահանիչ գորգ», – ասացին նախարարությունից:
Նրանց խոսքով, նոր ուսումնական տարվա համար Թբիլիսիում և շրջաններում արդեն ավարտվել է 64 նոր հանրակրթական դպրոցների շինարարությունը և լիովին վերականգնվել է նաև 64 հանրակրթական դպրոց:
«Դպրոցներում բարեկարգվել է սանիտարական հանգույցը: Շինարարական-վերականգնողական գործընթացը շարունակվում է շարունակական ռեժիմով: Ենթակառուցվածքային աշխատանքներն իրականացնում է կրթության և գիտության նախարարությունը, ինչպես նաև տարածքային զարգացման և ենթակառուցվածքների նախարարությունը:
Նոր ուսումնական տարվա համար Վրաստանի 100 հանրակրթական դպրոց անհրաժեշտության դեպքում հագեցվել է նոր դպրոցական սարքավորումներով (նստարաններ, աթոռներ, դպրոցական գրատախտակներ և այլն): Բժշկական սենյակներ են լրացուցիչ հատկացվել60 հանրակրթական դպրոցներում, և շուտով լրացուցիչ 142 հանրակրթական դպրոցներ կհագեցվեն բժշկական սենյակի համար անհրաժեշտ սարքավորումներով:
Նախարարության աջակցությամբ հանրակրթական դպրոցների բոլոր աշակերտներին տրվում են գրքեր և տետրեր «Աշակերտի և ուսուցչի ձեռնարկի ծրագրի» շրջանակներում: Այս ծրագրի շրջանակներում շարունակվում է դպրոցների դասագրքերով վերազինումը՝ հաշվի առնելով աշակերտների շարժունակությունը:
«Իմ առաջին համակարգիչը» ծրագրի շրջանակներում Վրաստանի հանրակրթական դպրոցի առաջին դասարանցիները եւ նրանց դաստիարակները կստանան նոթբուքեր:
Նոր ուսումնական տարվանից դպրոցներում ամբողջությամբ կներդրվի էլեկտրոնային դասամատյան, որը ուսուցիչներին կօգնի էլեկտրոնային եղանակով գրանցել ինչպես աշակերտների հաճախելիությունը, այնպես էլ գնահատումը:
Կրթության և գիտության նախարարությունը դեռևս հնարավորություն է տալիս ծնողներին ընտրել հեռավար ուսուցման ձևը, մինչդեռ ռիսկային խմբի ուսուցիչները, ցանկության դեպքում, կարող են դասեր անցկացնել հեռակա կարգով:
Հաճախումների դեպքում I-XII դասարանների աշակերտները ներառյալ, պարտավոր են կրել, մինչդեռ պետությունը պարտադիր թեստավորում կիրականացնի ուսուցիչների համար (այս փուլում ուսուցիչների և դպրոցների ղեկավարների 67%-ը պատվաստված են):
Աշակերտների համար կշարունակի գործել «Հեռուստադպրոցի» չափազանց կարևոր, միջազգայնորեն ճանաչված նախագիծը, որը հեռավոր ուսուցման ամենահայտնի մեթոդներից է:
Անվտանգության նկատառումներից ելնելով, դպրոցի տնօրինությունը ինտենսիվորեն կտեղեկացնի ծնողներին կրթական գործընթացի կազմակերպման և դպրոցում սանիտարահիգիենիկ նորմերի մասին: Նախարարությունը շարունակելու է համակարգված վերահսկողություն իրականացնել դպրոցներում:
Ուշագրավ է նաև, որ այն դպրոցները, որտեղ հոկտեմբերի 2-ին տեղակայված էին ընտրությունների ընտրատեղամասերը, ամբողջովին ախտահանվել են դասարաններում՝ մինչև ուսումնական գործընթացի վերսկսումը», – ասված է նախարարության հաղորդագրության մեջ: 1tv.ge
Opinion, pooling and voting
