Սաակաշվիլին մտադիր է հացադուլը շարունակել «մինչև կյանքի վերջ»
Վրաստանի նախկին նախագահ Միխեիլ Սաակաշվիլին բանտում շարունակում է հացադուլը եւ մտադիր է հրաժարվել բժշկական օգնությունից, նույնիսկ եթե նրա առողջական վիճակը վատթարանա:
Հոկտեմբերի 4 -ին, Սաակաշվիլիի հետ հանդիպումից հետո, այս մասին հայտարարել է նրա փաստաբան Նիկա Գվարամիան: Փոխանցում է Netgazeti-ն։
Գվարամիան լրագրողների ներկայությամբ ընթերցել է Սաակաշվիլիի նամակը.
«Ես ցանկանում եմ, որ Վրաստանի քաղաքացիներն իմանան իմ որոշման մասին: Ես վերադարձել եմ ՝ օգնելու մեր ժողովրդին վերականգնել ազատությունն ու ժողովրդավարությունը:
Ինչպես և սպասվում էր, ռեժիմն ինձ ձերբակալեց, բայց ես ազատ մարդ եմ մնում ճաղերի հետևում: Ինչպես հավանաբար գիտեք, ես հացադուլ հայտարարեցի: Ես ուզում եմ, որ դուք իմանաք, որ ես դա ոչ մի դեպքում չեմ դադարեցնի, քանի դեռ ես և իմ պատճառով բերման ենթարկված մարդիկ ազատ չեն արձակվել:
Ես շատ եմ սիրում կյանքը, բայց հացադուլը, ամեն դեպքում, կտևի մինչև կյանքիս վերջը: Իմ գոյությամբ ես շատ չեմ օգնի իմ ժողովրդին: Ես պատրաստ եմ, գոնե իմ մերժմամբ, հաստատել, որ Վրաստանի համար արժե ապրել, և որի համար արժե մեռնել:
Ես հստակ գիտեմ, թե ինչի եմ գնում: Ես չէի ուզում դառնություն հաղորդել իմ ընտանիքի անդամներին և սիրելիներին, բայց ես առաջին հերթին մերժեցի բժիշկների առաջարկը և անգիտակից լինելու դեպքում բժշկական միջամտության ցանկացած ձևի մասին: Ես սա գրում եմ ոչ թե նրա համար, որ դուք հանձնվեք, այլ որպեսզի ավելի ակտիվանաք » գրել է Սաակաշվիլին:
Opinion, pooling and voting
