Վրաստանում այսօր սգո օր է

Այսօր ՝ հոկտեմբերի 11 -ին, Վրաստանում սգո օր է հայտարարված ՝ կապված Բաթումիում (Աջարիա) տան փլուզման ժամանակ մարդկանց մահվան հետ:
Բաթումիի Մայիսի 26 փողոցում գտնվող հինգ հարկանի բնակելի շենքի մուտքերից մեկը փլուզվել է հոկտեմբերի 8-ին, ժամը 12:00-ի սահմաններում: Ինը մարդ մահացել է, այդ թվում ՝ երեք երեխա, մեկ փրկվածի վիճակը շարունակում է մնալ ծանր:

Երկուշաբթի օրը սգո օր հայտարարելու որոշումը Վրաստանի վարչապետ Իրակլի Ղարիբաշվիլին կայացրել է շաբաթ օրը՝ հոկտեմբերի 9 -ին:
Նրա խոսքով ՝ պետությունը ամեն տեսակի օգնություն կտրամադրի տուժածներին: Միջադեպի բոլոր մեղավորները կպատժվեն օրենքի ողջ խստությամբ:

Վրաստանի ներքին գործերի նախարարությունը փլուզման հետ կապված ձերբակալել է երեք մարդու` առաջին հարկի բնակարանի սեփականատիրոջը և երկու վարձու աշխատողների, որոնք վերանորոգման աշխատանքներ էին կատարում:
Գերատեսչության տվյալներով, նրանք վերանորոգման աշխատանքներ են իրականացրել անվտանգության կանոնների կոպիտ խախտմամբ, ինչը, ամենայն հավանականությամբ, հանգեցրել է բազմաբնակարան շենքի մուտքերից մեկի փլուզմանը: Նրանց սպառնում է երկուից տաս տարի ժամկետով ազատազրկում:

---

---