Քաղցր սուջուխ կամ շարոց
Քաղցր սուջուխը հին հայկական աղանդներից է: Սովորաբար պատրաստվում է աշնանը, երբ հասնում են ընկույզն ու մրգերը:
Բաղադրություն
ալյուր – 7 ճ/գդ․
ջուր – 1 բաժակ
ընկույզ – 2 բաժակ
խնձորի կամ խաղողի հյութ – 2 բաժակ
շաքարավազ – 3 ճ/գդ․
մեխակ,դարչին, հիլ
Պատրաստման եղանակ
Ընկույզները կիսել: Ասեղը երկտակ թելել( 22սմ) և հանգույց անել։ Ընկույզներն ասեղով թելի վրա անցկացնել: Ամբողջը շարելուց հետո, ասեղը հանել և թելի մյուս ծայրը կապել: Ընկույզով թելը որևէ փայտիկի կամ մեխի վրա կախել: Նույնն անել նաև մնացած ընկույզների հետ: Շարելուց հետո թողնել մի քանի օր, որպեսզի ընկույզները չորանան։
Օշարակը պատրաստելու համար ալյուրը լուծել ջրի մեջ: Խնձորի կամ խաղողի հյութը լցնել կաթսայի մեջ, ավելացնել շաքարավազը, համեմել և դնել կրակին: Զանգվածը եռացնելուց հետո կրակը թուլացնել, բարակ շիթով ավելացնել ջրի մեջ լուծված ալյուրը և լավ խառնել, որպեսզի գնդիկներ չմնան: Եփել ևս 25 րոպե: Վերցնել կրակի վրայից, ընկույզով թելերը ընկղմել օշարակի մեջ և թիակով օշարակը վրան լցնել: Թաթախելուց հետո զգուշորեն հանել: Ավելի հաստ շերտ ստանալու համար թաթախել օշարակի մեջ մի քանի անգամ:
Թաթախված սուջուխները կախել մի քանի օր, որպեսզի չորանան:
Opinion, pooling and voting
