Վարորդական իրավունքի քննությունը այսուհետ նոր մեքենաներով
Ներքին գործերի նախարարության սպասարկման գործակալության բոլոր կառուցվածքային ստորաբաժանումներում արդիականացվել է քննչական մեքենաների պարկը։ Տեղեկությունը տարածում է Վրաստանի ՆԳ նախարարության սպասարկման գործակալությունը։
Գերատեսչության հաղորդմամբ, վարորդական վկայական ստանալ ցանկացողները «B» կարգի գործնական թեստն անցնում են GPS համակարգով հագեցած ժամանակակից SKODA RAPID մակնիշի մեքենաներով:
«Ենթակառուցվածքների և սպասարկման որակը բարելավելու նպատակով, Սպասարկման գործակալությունը փուլային ենթակառուցվածքային և տեխնիկական աշխատանքներ է իրականացրել բոլոր կառուցվածքային ստորաբաժանումներում, որտեղ կարելի է գործնական քննություններ հանձնել։
2021 թվականի սկզբին սկզբնական փուլում միայն Ռուսթավիի և Գորիի կառուցվածքային ստորաբաժանումներում հին փորձարկման մեքենաները փոխարինվեցին նորերով, իսկ վերջերս պարկը թարմացվեց երկրի բոլոր կառուցվածքային ստորաբաժանումներում»,- ասվում է գործակալության հայտարարության մեջ։1tv.ge
Opinion, pooling and voting
