Հոկտեմբերի 27-ը կլինի համախմբող, խաղաղ հանրահավաք | Ղարիբաշվիլի
Հոկտեմբերի 27-ին տեղի կունենա համախմբող, խաղաղ հանրահավաք, որը մեկ անգամ ևս ցույց կտա բոլորին, թե ում կողքին են կանգնած մարդիկ, – այս մասին Խաշուրիում լրագրողներին ասել է Վրաստանի վարչապետ Իրակլի Ղարիբաշվիլին:
Կառավարության ղեկավարի խոսքով՝ վրաց ժողովուրդը ցանկանում է խաղաղ զարգացում, կայունություն, առաջընթաց և բարգավաճում։
Վարչապետը նշել է, որ Միխեիլ Սաակաշվիլիի կուսակցությունն արդեն մեկ անգամ ավերել է երկիրը, կորցրել տարածքներ, խոշտանգել մարդկանց, դատել 300 հազար մարդու, և վրաց ժողովուրդը թույլ չի տա դա անել երկրորդ անգամ։
«Մենք որոշել ենք հոկտեմբերի 27-ին միասին հավաքվել։ Իհարկե, սա լինելու է համախմբող, խաղաղ հանրահավաք, որը մեկ անգամ ևս ցույց կտա բոլորին, թե ժողովուրդն իր կողմն է: Եվս մեկ անգամ ցույց տալու համար, որ մեր ժողովուրդը ցանկանում է խաղաղ զարգացում, կայունություն, առաջընթաց, բարգավաճում: Սա պետք է լինի մեր հիմնական խնդիրը և ոչ թե ապակայունացումը, քաոսը, մշտական բոյկոտը, բռնության և անարդարության վերադարձը, որի մասին մտածում է Սաակաշվիլիի կուսակցությունը 24 ժամվա ընթացքում: Նրանք արդեն մեկ անգամ ավերել են մեր երկիրը, կորցրել են տարածքներ, խոշտանգել են մարդկանց, դատել են 300 հազար մարդու, մենք դա թույլ չենք տա երկրորդ անգամ, և մեր ժողովուրդը դա թույլ չի տա»,- ասել է Իրակլի Ղարիբաշվիլին։
Opinion, pooling and voting
