Հայտնի են դարձել ջրի տակ խորտակվող քաղաքները

The India Times-ը կազմել է խորտակվող քաղաքների ցանկը, որոնք կարող են անհետանալ Երկրի երեսից արդեն 2030 թվականին:

Ցուցակը կազմվել է Climate Central կլիմայական կազմակերպության քարտեզի տվյալների հիման վրա։ Առաջին տեղում է Ամստերդամը: Ցուցակի հեղինակների կարծիքով՝ գլոբալ տաքացման պատճառով քաղաքը կհեղեղվի, չնայած այն բանին, որ հոլանդացիները սովորել են պաշտպանվել ջրհեղեղներից։

Ցուցակի երկրորդ տեղում է Իրաքի Բասրա նավահանգստային քաղաքը, որը գտնվում է Շատ ալ Արաբ գետի վրա, որը թափվում է Պարսից ծոց։ Այն գտնվում է խոնավ տարածքում և մինչև 2030 թվականը կարող է մասամբ կամ ամբողջությամբ ծածկվել ջրով:

Երրորդը Նոր Օռլեանն է, որը կարող է տուժել կլիմայի փոփոխության պատճառով՝ չնայած իր պատնեշային համակարգին: Չորրորդում ցուցակը կազմողները տեսել են Վենետիկը, որը գտնվում է 118 կղզիների վրա և ջրի տակ է սուզվում տարեկան երկու միլիմետրով։

Ավելի վաղ հայտնի էր դարձել, որ գլոբալ տաքացման և ծովի մակարդակի բարձրացման պատճառով այնպիսի երկրներ, ինչպիսիք են Կիրիբատին, Տուվալուն և Մարշալյան կղզիները, կարող են հայտնվել ջրի տակ։ Միաժամանակ բնական աղետների ավելացման խնդիրներն արդեն սպառնում են մարդկանց կյանքին ու գյուղատնտեսությանը։

---

---