224,2 լարին բավարար է՞ անձին 1ամսվա ապրուստի համար

Ազգային վիճակագրական ծառայության տվյալներով՝ 2021 թվականի հոկտեմբերին, սեպտեմբերի համեմատ, Վրաստանում կենսապահովման մակարդակն աճել է։ 2021 թվականի սեպտեմբերին աշխատունակ տարիքի տղամարդկանց կենսապահովման մակարդակը կազմել է 216,3 լարի, մինչդեռ հոկտեմբերին այս ցուցանիշն աճել է յոթ լարի և 90 թեթրիով՝ ընդհանուրը հասցնելով 224,2 լարիի։

Միևնույն ժամանակ, ըստ Վիճակագրության ծառայության տվյալների, սեպտեմբերի համեմատ միջին սպառողի կենսապահովման մակարդակը հոկտեմբերին աճել է 6,9 լարիով և կազմել 198,5 լարի։

Գործակալության տվյալներով՝ այս տարվանից, վիճակագրական աշխատանքային նոր ծրագրի համաձայն, այս ցուցանիշի արտադրությունն այլևս չի իրականացվի իրենց կողմից (նկատի ունի երկհոգանոց, եռհոգանոց և այլն)։

Ինչպես նշվում է ծառայությունում, այս ցուցանիշը չի օգտագործվում պլանավորման և որոշումների կայացման որևէ գործընթացում:

Ազգային վիճակագրական ծառայությունը կենսապահովման մակարդակը սահմանում է՝ ելնելով նվազագույն պարենային զամբյուղից։ Նվազագույն պարենային զամբյուղը պարունակում է սննդի այն քանակությունը, որը ֆիզիոլոգիապես անհրաժեշտ է աշխատունակ տարիքի տղամարդու բնականոն կյանքի և աշխատունակության համար։ Կենսապահովման պարենային զամբյուղը բաղկացած է 40 ապրանքից՝ հացից, հացահատիկից, մսից, կաթնամթերքից, բանջարեղենից և հրուշակեղենից։1tv.ge

---

---