Հոսպիտալացման բավականին բարձր ցուցանիշ ունենք.Տիկարաձե
Վրաստանի առողջապահության նախարար Էկատերինե Տիկարաձեի խոսքով՝ 60-ն անց քաղաքացիների շրջանում պատվաստումների մակարդակը բավականին ցածր է։ Նրա խոսքով, այդ պատճառով էլ երկրում հոսպիտալացման բարձր ցուցանիշ կա։
«Վրաստանում 60-ն անց պատվաստված քաղաքացիների թիվը զգալիորեն ցածր է՝ մինչև մոտ 30%։ Սա է պատճառը, որ մենք ունենք հոսպիտալացման բավականին բարձր ցուցանիշ, որն արդեն իսկ անդրադառնում է մեր քաղաքացիների մահացության մակարդակի վրա։ Ցածր ցուցանիշն ավելի ռիսկային է: Մինչև 50 տոկոս պատվաստված քաղաքացիներ ունեցող երկրները բախվում են նույն մարտահրավերին, ինչ Վրաստանը։ Այս փուլում մահճակալային ֆոնդի ուղղությամբ դեֆիցիտ չկա։ Մեր բժիշկներն արդեն երկու տարի հերոսաբար պայքարում են, և, իհարկե, մենք պետք է հաշվի առնենք մարդկային ռեսուրսները»,- ասել է Էկատերինե Տիկարաձեն։
Տիկարաձեն նաև նշել է, որ առողջապահության նախարարությունը և Հիվանդությունների վերահսկման կենտրոնը լրացուցիչ հանձնարարականներ կներկայացնեն Համակարգող խորհրդին՝ վիրուսի տարածումը վերահսկելու համար։
«Առողջապահության նախարարությունը և Հիվանդությունների վերահսկման կենտրոնը կրկին աշխատում են, ինչի արդյունքում մենք լրացուցիչ հանձնարարականներ կներկայացնենք խորհրդին, որոնք շատ ավելի խելամիտ ենք համարում վարակը հնարավորինս վերահսկելու համար»,- ասել է Տիկարաձեն։
Ինչ վերաբերում է կորոնավիրուսի նոր շտամին, Տիկարաձեն ասաց, որ դեռ պարզ չէ՝ արդյոք գործող պատվաստանյութերն արդյունավետ են նոր շտամի դեմ։
«Պատվաստանյութի արդյունավետությունը դեռ հաստատված չէ, սակայն նոր շտամով վարակվածներից ոչ ոք չի եղել պատվաստված։ Այստեղից մենք կարող ենք անուղղակի եզրակացություն անել. Նշվում է, որ շտամն ավելի շատ է տարածված երիտասարդների, քան տարեցների մոտ, սակայն այստեղ նույնպես կարող է լինել երկու կարծիք. Այդ երկրներում տարեցների 90%-ը պատվաստված չէ։ Հետևաբար, տարեցները կարող են պաշտպանված լինել։ Ուստի պատվաստումը մնում է կարևոր լծակ»,- ասել է Տիկարաձեն։
Առողջապահության նախարարը գնահատեց նաև պատրիարքարանի երեկվա հայտարարությունը պատվաստումների վերաբերյալ:
«Կարծում եմ, որ իրավասու մարմինները պետք է հայտարարություններ անեն կոչի վերաբերյալ, և այդ իրավասու մարմիններն են առողջապահության նախարարությունը և Հիվանդությունների վերահսկման կենտրոնը։ Մենք կոչեր ենք անում։ Ինչ վերաբերում է պատրիարքարանի այս որոշմանը, ապա դա շատ խելամիտ եմ համարում, քանի որ եթե չեն սահմանափակում, դա արդեն մեծ աջակցություն է մեզ համար։ Վստահ եմ, որ մի քանի ամսից նրանք կարող են սկսել կոչ անել»,- ասել է Տիկարաձեն։1tv.ge
Opinion, pooling and voting
