Բժիշկը նշել է օմիկրոն շտամի հիմնական ախտանիշը
Մոսկվայի Լոմոնոսովի անվան պետական համալսարանի էնդոկրինոլոգ Զուխրա Պավլովան Sputnik ռադիոկայանին ասել է, որ ծանր հոգնածությունը կորոնավիրուսի օմիկրոն շտամով վարակվելու հիմնական ախտանիշներից մեկն է։
Սակայն այս ախտանիշը բնորոշ է տարբեր հիվանդությունների, նշել է մասնագետը։ Նրա խոսքով՝ բժշկական կրթություն չունեցող մարդու համար դժվար է հասկանալ, թե երբ է հոգնածության զգացումը կապված գերաշխատանքի, իսկ երբ՝ հիվանդության հետ։
Մասնագետը հավելել է, որ կորոնավիրուսային վարակը լուրջ խանգարումներ է առաջացնում մարմնի բազմաթիվ համակարգերի աշխատանքի մեջ։ Նրա խոսքով, վարակվածների մոտ առաջացող հոգնածության զգացումը կարող է առաջանալ իմունային համակարգի, ուղեղի աշխատանքի կամ նյարդային համակարգի հյուսվածքի լուրջ փոփոխություններով։ «Արյան հատկությունները կտրուկ փոխվում են, ինչը խանգարում է բազմաթիվ օրգանների արյան մատակարարմանը, ուստի մենք ֆիզիկապես թույլ ենք զգում: Այս ամենը միասին դրսևորվում է թուլացած մկանային տոնուսով, ճնշված հուզական ֆոնով», – բացատրել է Պավլովան:
Էնդոկրինոլոգը հորդորել է, երբ ի հայտ կգա այնպիսի ախտանիշ, ինչպիսին է ծանր հոգնածությունը, զգուշանալ և անցնել PCR թեստ COVID-19-ի համար։
Ավելի վաղ թերապևտ, բժշկական գիտությունների թեկնածու Ալեքսեյ Խուխրևն ասել էր, որ կորոնավիրուսի որևէ շտամով վարակվելիս կարող են ի հայտ գալ դրա հիմնական ախտանիշներից երկուսը՝ գլխացավեր և երկարատև ջերմություն։
Opinion, pooling and voting