Ավստրալիայում կառուցում են Երկրի «սև արկղը» | Աշխարհի կործանումից հետո այն կմնա
Ավստրալացի գիտնականները կկառուցեն Երկրի սև արկղը՝ անխորտակելի ձայնագրիչ, որը կգրանցի մարդկային քաղաքակրթության վերջին տասնամյակների տվյալները համաշխարհային կլիմայական աղետի հետևանքով կործանման դեպքում։ Այս մասին հայտնում է ABC-ն։
Ավստրալական Թասմանիա կղզու արևմտյան ափին այն կտեղադրվի մինչև 2022 թվականի վերջ։ Տուփի խնդիրն է փաստաթղթավորել մարդկության բոլոր քայլերը՝ նրան մոտեցնելով էկոլոգիական աղետին։ Ձայնագրիչը կպատրաստվի է մոլորակի ապագա բնակիչների համար, որպեսզի նրանք հասկանան քաղաքակրթության անհետացման պատճառը։
Տուփի չափը համեմատելի կլինի քաղաքային ավտոբուսի չափի հետ։ Դրա ներսում կլինեն տվյալների պահպանման սարքեր, որոնք տեղեկատվություն կգրանցեն Երկրի մթնոլորտում ածխաթթու գազի մակարդակի փոփոխության և մոլորակի տարբեր շրջաններում տարեկան միջին ջերմաստիճանի մասին: Ձայնագրիչը էներգիա կստանա արևային մարտկոցներից։ Արկղը ինտերնետից կհավաքի գլոբալ տաքացման մասին տվյալները:
«Եթե մոլորակը գլոբալ տաքացման հետևանքով իսկապես փոխվում է անդառնալիորեն, ապա այս անխորտակելի ձայնագրող սարքը թույլ կտա նրանց, ովքեր մնացել են, դասեր քաղել տեղի ունեցածից: Բացի այդ, այն [սև արկղը] կդառնա կատարվածի համար համաշխարհային առաջնորդների պատասխանատվության ապացույցը, նրանց գործողությունները կամ անգործությունը կարձանագրվեն», – ասել է նախագծի հեղինակներից Ջիմ Քերթիսը:
Ձայնագրիչի կառուցումը կսկսվի 2022 թվականին, սակայն անհրաժեշտ տվյալներն այժմ հավաքվում են։ Տուփի առաջին տեղեկատվությունը կլինի Գլազգոյում ՄԱԿ-ի կլիմայի կոնֆերանսի մասին տեղեկատվությունը:
«Մենք նախատեսում ենք օգտագործել կոդավորման մի քանի ձևաչափեր և ուսումնասիրում ենք հատուկ ընթերցիչի ինտեգրման հնարավորությունը, որը կարող է ակտիվացվել՝ տեղադրելով այն արևի լույսի տակ», – ասում են գիտնականները:
Նոյեմբերին, երկշաբաթյա քննարկումներից հետո, ՄԱԿ-ի Կլիմայի փոփոխության շրջանակային կոնվենցիայի Կողմերի կոնֆերանսի 26-րդ նստաշրջանի մասնակիցները համաձայնեցրին դրա վերջնական հայտարարության տեքստը: Մոտ 200 երկրների դիվանագետներ խոստացել են կրճատել ածխածնի արտանետումները, հրաժարվել որոշ հանածո վառելիքներից և ավելացնել կլիմայի փոփոխության առաջին գծում գտնվող աղքատ երկրներին օգնությունը:
Կլիմայի համաժողովը պետք է անցկացվեր Շոտլանդիայի Գլազգոյում հոկտեմբերի 31-ից նոյեմբերի 12-ը, սակայն պատվիրակությունների միջև հակասությունների պատճառով միջոցառումը երկարաձգվեց մեկ օրով։
Opinion, pooling and voting