Ամանորյա խոհանոց | Շերտավոր աղցան «Մոնղոլական բլուր»
Այս աղցանի մեջ ճակնդեղն ու գազարը հիանալի համադրվում են սխտորի հետ, իսկ հավի միսը պանրի և ընկույզի հետ։ «Մոնղոլական բլուրը» ցանկության դեպքում կարող եք զարդարել թարմ կանաչիով, որը ճաշատեսակին կտա տոնական տեսք և լրացուցիչ բուրմունք։
Բաղադրությունը
- հավի ֆիլե – 200 գ
- ճակնդեղ – 300 գ
- գազար – 150 գ
- թարմ կանաչի – 30 գ
- մայոնեզ – 60 գ
- բուսական յուղ տապակելու համար – 20 մլ
- կոշտ պանիր – 50 գ
- սխտոր – 1-2 պճեղ
- ընկույզի միջուկներ – 20 գ
- աղ՝ ըստ ճաշակի
- աղացած սև պղպեղ՝ ըստ ճաշակի:
Պատրաստման եղանակը
- Ճակնդեղը լավ լվացեք։ Այնուհետև եռացրեք մինչև կեղևը փափկի, զգույշ լինելով, որ շատ չեփվի: Այնուհետև հանեք եռման ջրից և թողեք հանգստանա։
- Գազարը մանրակրկիտ լվացեք։ Եփեք կեղևով մինչև փափկի, մոտ 20 րոպե: Այնուհետև հանեք եռման ջրից և թողեք հանգստանա։
- Հավի ֆիլեն կտրատել 1-1,5 սմ հաստությամբ շերտերով և համեմեք աղով և պղպեղով։
- Տապակայի մեջ տաքացրեք բուսական յուղը։ Ֆիլեի կտորները դրեք և տապակեք 3-4 րոպե յուրաքանչյուր կողմից։ Թողեք մի քիչ սառչի, ապա կտրատելով բաժանեք փոքր խորանարդիկների:
- Ճակնդեղը մաքրեք և քերեք։ Մամլիչով անցկացրեք սխտորի պճեղները։ Ճակնդեղին ավելացրեք սխտորն ու 1 ճ.գ. լ. մայոնեզ, հետո Խառնեք։
- Զանգվածի կեսը լցրեք աղցանամանի մեջ, հարթեցրեք և թեթև սեղմեք ներքև։
- Ընկույզը կտրատեք և առանձին տարայի մեջ խառնեք հավի մսի հետ։ Ապա լցրեք աղցանամանի մեջ երկրորդ շերտով՝ ճակնդեղի վրա։
- Կլպեք և կտրատեք գազարը։ Պանիրը նույնպես քերեք։ Առանձին ամանի մեջ խառնեք երկու բաղադրիչները, ավելացրեք մայոնեզը և հարեք։ Զանգվածը լցրեք աղցանամանի մեջ առկա նախկին շերտերի վրա։
- Վերին շերտը կրկին լցրեք սխտորով և ճակնդեղով պատրաստած զանգվածով։
- Կանաչիները մանր կտրատեք և զարդարեք աղցանը։ Կարող եք օգտագործել նաև մաղադանոսի ամբողջական ճյուղեր։
Opinion, pooling and voting
