Դեկտեմբերի 16-17-ը գիշերային ակումբները կվերսկսեն աշխատանքը

Աշխատանքի տեսչության ղեկավար Բեքա Փերաձեի խոսքով՝ դեկտեմբերի 16-17-ը գիշերային ակումբները կվերսկսեն աշխատանքը:

Ինչպես Վրաստանի Առաջին ալիքին հայտնել է Բեքա Փերաձեն, անվտանգության արձանագրության վրա աշխատանքը գրեթե ավարտված է, որը պետք է հաստատի նախարարը հրամանով և ակումբների բացման մասին խորհուրդը կայացնի որոշում։

Միևնույն ժամանակ, Աշխատանքի տեսչությունն օրեր առաջ հայտնել էր, որ դեկտեմբերի 1-ին Վրաստանում «կանաչ անձնագրի» հայեցակարգի ներդրումից հետո Աշխատանքի տեսչությունը ակտիվ հանդիպումներ է սկսել բիզնեսի տարբեր ոլորտների ներկայացուցիչների հետ։ Այդ թվում՝ Գիշերային ակումբների ասոցիացիայի հետ (Unity of Culture and Creative Industries of Georgia / act4culture), որի ընթացքում քննարկվել են գործունեության անվտանգ և կայուն վերականգնման հարցեր։ Հանդիպմանը պայմանավորվածություն է ձեռք բերվել, որ ոլորտը կվերսկսի գործել մոտ ապագայում, ինչի համար Աշխատանքի տեսչությունը «կանաչ անձնագրերի» հետ միասին իրավասու այլ գերատեսչությունների ներգրավմամբ, կմշակի անվտանգ շահագործման արձանագրություն, որը կապահովի սպառողների առավելագույն պաշտպանությունը: Նախատեսվում է առաջիկայում վերսկսել ոլորտի գործունեությունը ոլորտային հանձնարարականի/արձանագրության հաստատումից հետո:1tv.ge

---

---