Իտալիայում երկրաշարժի հետևանքով զոհերի թիվը հասել է 73-ի
Իտալիայում երկրաշարժի հետևանքով զոհերի թիվը հասել է 73 մարդու, փոխանցում է Reuters գործակալությունը:
Տեղեկությունը հաստատել են քաղաքացիական պաշտպանության վարչությունում:
Ավելի վաղ հաղորդվում էր 63 զոհի մասին:
Նշվում է, որ, վերջին տվյալների համաձայն, 20 մարդ մահացել է Մարկե շրջանում և 53 մարդ Ակումոլի և Ամատրիչե քաղաքներում, որոնք գտնվում են Լացիո շրջանում:
Անհետ կորածների թիվը պարզել դեռևս հնարավոր չէ: Վիրավորների քանակը հասնում է մոտ 100-ի:
Իտալիայի կենտրոնական մասում երկրաշարժը տեղի է ունեցել տեղական ժամանակով ժամը 3:36-ին: Առաջին ստորգետնյա ցնցումը եղել է 6.2 մագնիտուդով: