Բայդենը «ստիպել» է Թուրքիային բարելավել հարաբերությունները ՀՀ-ի հետ S-400-ը գնելուց հետո
Թուրքիան փորձում է կարգավորել հարաբերությունները Հայաստանի հետ՝ ԱՄՆ նախագահ Ջո Բայդենին հաճոյանալու համար։ Նման կարծիք է հայտնել Bloomberg-ի սյունակագիր Սելջան Հաջաօղլուն։
Նրա կարծիքով, դրա մասին է վկայում Երեւանի հետ օդային հաղորդակցությունը բացելու Անկարայի որոշումը։ Թեեւ թուրքական կողմը կհամակարգի քայլերը Ադրբեջանի հետ հարաբերությունները բարելավելու ուղղությամբ, հոդվածագիրը վստահ է. դա ուղղակի «ստիպված» էր ԱՄՆ-ի գործողություններից։
Հաջաոլուն հիշեցրել է, որ թուրքական իշխանությունների որոշումը հետևել է Բայդենի խնդրանքին։ Հոկտեմբերին Հռոմում Թուրքիայի նախագահ Ռեջեփ Թայիփ Էրդողանի հետ հանդիպման ժամանակ ամերիկացի քաղաքական գործիչը կոչ է արել բացել Հայաստանի հետ սահմանը։ Իր հերթին Անկարան ակնկալում է, որ դա կօգնի բարելավել հարաբերությունները Վաշինգտոնի հետ. դրանք վատթարացել են ռուսական S-400 ՀՕՊ համակարգեր գնելուց հետո։
Դեկտեմբերի 13-ին Թուրքիայի արտգործնախարար Մևլութ Չավուշօղլուն հայտարարեց Հայաստանի հետ օդային հաղորդակցության բացման մասին։ Նա հավելել է, որ Անկարան և Երևանը կնշանակեն նաև դիվանագիտական հարաբերությունների կարգավորման հատուկ բանագնացներ։ Նշվում է, որ այժմ Թուրքիայի և Հայաստանի միջև դիվանագիտական հարաբերություններ չկան, երկու պետությունների միջև սահմանը փակ է 1993 թվականից։
Opinion, pooling and voting
