Կախա Կուճավան հրաժարական է տվել
Վրաստանի Խորհրդարանի նախագահ Կախա Կուճավան հրաժարականի որոշում է կայացրել,- այսօր հայտարարել է իշխող «Վրացական երազանք» կուսակցության նախագահ Իրակլի Կոբախիձեն։
Նա նշել է, որ «Կուճավան ինքը կբացատրի իր հրաժարականի պատճառը» և ասել է, որ «Վրացական երազանքը» խոսնակի պաշտոնում առաջադրելու է Շալվա Պապուաշվիլիի մեծամասնությունից պատգամավորի թեկնածությունը։
«Վրացական երազանքի» քաղաքական թիմի անունից ցանկանում եմ շնորհակալություն հայտնել նրան շատ դժվարին ժամանակաշրջանում խորհրդարանի նախագահի պաշտոնում շատ արժանի աշխատանքի համար։ Որոշումը հիասթափեցրեց ողջ թիմին, բայց մենք հարգում ենք այդ որոշումը։ Ըստ այդմ՝ որոշումն ընդունվել է կուսակցության քաղխորհրդի կողմից։
Բնականաբար, Կախան կմնա մեր քաղաքական թիմի ղեկավարներից և կուսակցության քաղխորհրդի անդամ, նա աշխատելու է շատ կարևոր պետական նախագծի վրա, որի մասին ավելի ուշ կկիսվենք։
Կուսակցության քաղաքական խորհրդի և խորհրդարանական մեծամասնության որոշմամբ՝ Շալվա Պապուաշվիլին կառաջադրվի Վրաստանի խորհրդարանի նախագահի պաշտոնում»,- ասել է Կոբախիձեն։
Opinion, pooling and voting
