Ֆրանսիայի կոշտ պատասխանը ԼՂ կարգավորման վերաբերյալ Ալիևի հայտարարությանը
Եվրախորհրդարանի ֆրանսիացի պատգամավոր, արտաքին հարաբերությունների հանձնաժողովի անվտանգության և պաշտպանության ենթահանձնաժողովի նախագահ Նատալի Լուազոն կոշտ արձագանքել է Ադրբեջանի դեսպան Ռահման Մուստաֆաևին։
Ռահման Մուստաֆաևը Twitter-ի իր էջում տարածել է Ադրբեջանի նախագահ Իլհամ Ալիևի հայտարարությունն այն մասին, որ ԵԱՀԿ Մինսկի խումբը չպետք է զբաղվի Ղարաբաղյան հակամարտությամբ, քանի որ այն լուծված է։
«Պարոն դեսպան, դիվանագիտությունը նախ և առաջ կայանում է նրանում, որ դեսպանը պետք է հարգանքով վերաբերվի այն երկրին, որին պատիվ ունի ծառայելու։ Ֆրանսիան Մինսկի խմբի համանախագահն է, իսկ դուք ձևացնում եք, թե հրաժարվում եք նրանից։ Լեռնային Ղարաբաղի հակամարտությունը չի կարգավորվել, հրադադարի ռեժիմը չի պահպանվում։ Նախօրեին Հայաստանում 3 զոհ կար»,- գրել է Լուազոն Twitter-ի իր էջում։
Opinion, pooling and voting
