Սոցիալական գործակալները համաձայնել են դադարեցնել գործադուլը
Սոցիալական աշխատողները հայտարարել են գործադուլի ավարտի մասին այն բանից հետո, երբ Վրաստանի առողջապահության նախարարությունը համաձայնել է կատարել իրենց մի շարք պահանջները։ Այս մասին ասվում է «Համերաշխության ցանց» արհմիութենական կազմակերպության՝ այսօր Facebook-ում տարածված հայտարարության մեջ։
Շաբաթվա սկզբից Վրաստանում շարունակում է գործադուլը Առողջապահության նախարարությանը կից սոցիալական ծառայությունների գործակալության մինչև 400 աշխատակից։ Մոտ 600 հոգանոց աշխատակազմ ունեցող գերատեսչության աշխատանքը փաստացի կաթվածահար է։
Նախօրեին ցուցարարները հանդիպել էին առողջապահության փոխնախարար Թամար Բարկալայային։ Ըստ հայտարարության՝ նրանք պայմանավորվել են դադարեցնել գործադուլը հետևյալ պայմաններով.
- աշխատավարձի բարձրացում 40%-60%-ով
- վճարովի դեկրետային արձակուրդի նշանակում
- ցուցարարները աշխատավարձ կստանան գործադուլի օրերի համար
- սոցիալական գործակալներին և ավագ սոցիալական գործակալներին կտրամադրվի տրանսպորտ
- կչեղարկվեն մեկ ամիս գործող պայմանագրերը, փոխարենը բոլոր աշխատողների հետ կկնքվեն 1 տարի ժամկետով պայմանագրեր
- կստեղծվի աշխատողների և գործատուի միջև հաղորդակցության հատուկ հարթակ
- կբարելավվի բոնուսային համակարգը։
«Սա դեռ սկիզբն է, մեր միութենական հավաքական պայքարը շարունակվում է»,- ասված է հայտարարության մեջ։
Ինչպես նախօրեին հայտարարեց Առողջապահության նախարարությունը, սոցիալական գործակալի ֆիքսված աշխատավարձը 250-ից կբարձրացվի 400 լարիի (մոտ 130 դոլար՝ 80-ի փոխարեն), իսկ ավագ սոցիալական գործակալի աշխատավարձը՝ 550-ից 700 լարիի (մոտ. 230 դոլար 180-ի փոխարեն): Ստորին և միջին օղակների գերատեսչությունների աշխատակիցների աշխատավարձերը 40%-ից կբարձրանան 60%-ի։ Բացի այդ, ըստ նախարարության, այցերի ընթացքում լրացված հայտարարագրի դիմաց սոցիալական գործակալները վեցի փոխարեն կստանան 10 լարի (երկու դոլարից մի փոքր ավելին):
Գործադուլ անող սոցիալական աշխատողները պահանջում էին 100 տոկոսով բարձրացնել աշխատավարձերը. Սա նշանակում է, որ սոցիալական գործակալների ֆիքսված աշխատավարձը պետք է լինի 500, ոչ թե 400 լարի, ինչպես առաջարկում է Առողջապահության նախարարությունը, իսկ ավագ աշխատողների համար՝ 1100 լարի (360 դոլար):
Opinion, pooling and voting
