Հարցվածների մեծ մասը դժգոհ է կառավարության գործունեությունից. NDI
Հարցվածների մեծ մասը դժգոհ է ինստիտուտներից և առաջնորդներից,- այս մասին ասվում է Ազգային ժողովրդավարական ինստիտուտի (NDI) նոր հետազոտության մեջ:
Հարցման համաձայն՝ հարցվածների մեծ մասը դժգոհ է կառավարության գործունեությունից։ Կառավարության գործունեությունը դրական է գնահատել 39 տոկոսը, բացասական՝ 52 տոկոսը։ Յոթ տոկոսը չգիտի, իսկ երկու տոկոսը հրաժարվում է պատասխանել։
Վարչապետ Իրակլի Ղարիբաշվիլիի գործունեությունը դրական է գնահատում 27 տոկոսը, միջինը նաև 27 տոկոսը, բացասական՝ 35 տոկոսը, տասը տոկոսը չգիտի, երկու տոկոսը հրաժարվում է պատասխանել։
Նախագահ Սալոմե Զուրաբիշվիլիի գործունեությունը դրական է գնահատում 14 տոկոսը, միջինը՝ 29 տոկոսը, բացասական՝ 46 տոկոսը։ Տասը տոկոսը չգիտի, իսկ մեկ տոկոսը հրաժարվում է պատասխանել։
Խորհրդարանի աշխատանքը դրական է գնահատում 12 տոկոսը, միջինը՝ 33 տոկոս, վատ՝ 46 տոկոսը։ Յոթ տոկոսը չգիտի, իսկ մեկ տոկոսը հրաժարվում է պատասխանել։
Ինչ վերաբերում է ԿԸՀ-ի գործունեությանը, ապա այն դրական է գնահատում 22 տոկոսը, միջինը՝ 28 տոկոսը, բացասական՝ 35 տոկոսը։ 14 տոկոսը չգիտի, իսկ մեկ տոկոսը հրաժարվում է պատասխանել։
Ըստ հետազոտության՝ բնակչությունը դեռ չի հավատում, որ խորհրդարանն աշխատում է իրենց համար կարևոր հարցերի վրա։
53 տոկոսը համաձայն չէ այն կարծիքին, որ խորհրդարանն իր համար կարևոր հարցերի վերաբերյալ օրենքներ է ընդունում։ Այս կարծիքի հետ համաձայն է միայն 36 տոկոսը։ 42 տոկոսը համաձայն չէ այն տեսակետի հետ, որ խորհրդարանը արդյունավետորեն վերահսկում է կառավարության գործունեությունը: Միայն 35 տոկոսն է համաձայն այս դրույթին։ 61 տոկոսը համաձայն չէ այն կարծիքին, որ խորհրդարանը պարբերաբար կապ է հաստատում քաղաքացիների հետ։ Այս կարծիքի հետ համաձայն է միայն 28 տոկոսը։
Ըստ NDI-ի՝ հարցումն անցկացվել է 2021 թվականի դեկտեմբերի 7-13-ը՝ Վրաստանի ողջ տարածքում 2099 հեռախոսային հարցազրույցների ներկայացուցչական ընտրանքի հիման վրա՝ երկրի չափահաս բնակչության շրջանում (առանց գրավյալ տարածքների): Հարցման միջին սխալի սահմանը +/- 1,4 տոկոս է։ Հարցվողներն ընտրվել են պատահականության սկզբունքով: Հարցումն իրականացվել է CRRC-Վրաստանի կողմից: 1tv.ge
Opinion, pooling and voting
