Վրաստանում հնարավոր է չեղարկվե՞ն «կանաչ անձնագրերը»
«Կանաչ անձնագրերը» կարևոր դեր են խաղացել պատվաստումների գործընթացի խթանման գործում, սակայն այս հարցը կվերանայվի, քանի որ «Օմիկրոն»-ի պատճառով համաճարակաբանական իրավիճակը փոխվում է, ասել է առողջապահության փոխնախարար Թամար Գաբունիան։
«Համաճարակի ընթացքն այնքան դինամիկ է, որ մեկ-երկու ամիս առաջ ներդրված մեկ միջամտությունը երկար ժամանակ չի աշխատի։ Եվրոպան նույնպես փոխել է այս կանաչ անցումների չափանիշները»,- ասել է Գաբունիան PalitraNews-ի եթերում։
Գաբունիան նաև նշել է, որ երիտասարդ քաղաքացիներն ավելի շատ են հետաքրքրված Վրաստանում «կանաչ անձնագիր» ստանալու հարցում, քան տարեցները։
«Կարծում եմ, որ որոշակի ժամանակ անց մենք անպայման կվերադառնանք այս հարցին, և վերլուծություն կարվի նախկինում տեղի ունեցածի մասին»,- ասել է Գաբունիան։
Opinion, pooling and voting
