Վրաստանը 26 միլիոն դոլարով կգնի ամերիկյան Javelin հրթիռային համակարգեր

Վրաստանի պաշտպանության ուժերի պաշտպանունակությունն ուժեղացնելու նպատակով կառավարությունն աշխատում է Javelin հակատանկային հրթիռային համակարգերի լրացուցիչ խմբաքանակի գնման ուղղությամբ։ Այս մասին այսօր հայտարարել է Վրաստանի կառավարության վարչակազմը։

Այսօր տեղի է ունեցել կառավարության նիստ։ Հաշվի առնելով ՊՆ առաջնահերթությունները՝ որոշվել է ձեռք բերել Javelin համակարգը 26 մլն 246 հազար 866 դոլար ընդհանուր արժողությամբ։

Հրթիռային համալիրների գնումը կֆինանսավորվի Վրաստանի և ԱՄՆ-ի կառավարությունների միջև համաձայնագրով հատկացված միջոցներից, ինչպես նաև Վրաստանի պետական բյուջեից։

Javelins-ի առաջին խմբաքանակը Վրաստան է առաքվել 2018թ.

2021 թվականին ԱՄՆ Պետդեպարտամենտը որոշում է կայացրել Վրաստանին հավելյալ 30 միլիոն դոլարով Javelin հրթիռներ վաճառելու մասին։