Ուսումնական գործընթացը կշարունակվի դասարաններում
Կրթության և գիտության նախարարի առաջին տեղակալ Թամար Մախարաշվիլիի խոսքով՝ ուսումնական գործընթացը կշարունակվի դասարաններում։
Նրա խոսքով, ուսումնական գործընթացը դասարանում անցկացնելու համար իրականացվել եւ դեռ շարունակվում են մի շարք աշխատանքներ։
«Միջգերատեսչական համակարգող խորհրդի որոշմամբ հանրակրթական հաստատություններում ուսումնական գործընթացը կշարունակվի դասարաններում, քանի որ բնական միջավայրում սովորելը երեխայի զարգացման համար էական է։ Մի շարք աշխատանքներ են կատարվել ու դեռ կատարվում են՝ ուսուցման գործընթացը դասարանում պահելու համար։ Դպրոցները վերջին երկու տարիների ընթացքում մեծ փորձ են ձեռք բերել, ունեն շատ մանրամասն արձանագրություն, որին հետևում են, և բոլորը ներգրավված են այս գործընթացում՝ ԿԳՆ-ն, կրթական ռեսուրս կենտրոնները և դպրոցները։ Բոլոր դպրոցներն ապահովված են համապատասխան նյութական ռեսուրսներով, սակայն գլխավորն այն է, որ դրանք հագեցած են համապատասխան գիտելիքներով, թե ինչպես վարվել կոնկրետ իրավիճակում։
Ինչպես գիտեք, ԿԳ նախարարի որոշմամբ այսօր էլ բոլոր ծնողներին հնարավորություն է տրվում ընտրել հեռավար ուսուցման ձեւը, եթե անհրաժեշտ համարեն։
Կարևոր է, որ ուսուցիչների պարտադիր թեստավորումը նույնպես շարունակվի։ Այս գործընթացում ներգրավված է ոչ միայն առողջապահության ոլորտը, այլև հենց դպրոցի բժիշկները։ Հիվանդությունների վերահսկման ազգային կենտրոնի հետ միասին մենք վերապատրաստել ենք ավելի քան 400 պետական և մասնավոր դպրոցների բժիշկների՝ նրանց ներգրավելու համար: Եթե ուսուցիչը պատվաստված չէ կամ մեկ անգամ է պատվաստվել, ապա նա շաբաթական մեկ անգամ կանցնի արագ հետազոտություն, իսկ եթե երկու անգամ է պատվաստվել, ապա երկու շաբաթը մեկ: Ինչպես արդեն ասացի, մեր դպրոցի բժիշկները առողջապահական կենտրոնների հետ միասին ներգրավված են թեստավորման գործընթացում։ Երբ խոսում ենք հեռավար ուսուցման մասին, մենք բոլորս պետք է իմանանք, որ միջազգային առաջարկություններով սա սահմանափակումների ամենավերջին փուլն է։ Վարակման մակարդակի աճին զուգընթաց մեծանում է մեր աշխատանքի և կառավարման գործընթացում ներգրավվածության տեմպերը։ Դպրոցներն ունեն նախապես գրված, արդեն իսկ ապացուցված առողջապահական արձանագրություն։
Opinion, pooling and voting
