Վրաստանից որ երկրներ են ամենից շատ արտահանվում անասունները

Ըստ Geostat-ի տվյալների՝ 2021 թվականին Վրաստանից արտահանվել է 81 270 խոշոր եղջերավոր և 254 675 մանր եղջերավոր անասուն։

Խոշոր եղջերավոր անասունների արտահանմամբ առաջատարն է Ադրբեջանը, որտեղ անցած տարի վաճառվել է գրեթե 39 հազար գլուխ խոշոր եղջերավոր անասուն։ Հետո գալիս է Իրաքը՝ վաճառված 34 հազար խոշոր եղջերավոր անասուններով։ Երրորդ տեղում Եգիպտոսն է, որտեղ 2021 թվականին վաճառվել է 7 հազար գլուխ խոշոր եղջերավոր անասուն։

Ընդհանուր առմամբ, Վրաստանն անցած տարի խոշոր եղջերավոր անասունների արտահանումից վաստակել է 33 մլն դոլար։ Ինչ վերաբերում է մանր եղջերավոր անասուններին, ապա անցած տարի ընդհանուր առմամբ արտահանվել է 254 675 գլուխ մանր եղջերավոր անասուն, որից Վրաստանը ստացել է ավելի քան 26 մլն դոլար։

Մանր եղջերավոր անասունների դեպքում արտահանող երկրների առաջատար եռյակն են՝ Սաուդյան Արաբիան՝ 161 695, Ադրբեջան՝ 65 802, Քուվեյթ՝ 11 000։

2021 թվականին Վրաստանը ստացել է ավելի քան 18 միլիոն դոլար տավարի, խոզի, ոչխարի և այծի թարմ կամ սառեցված մսի արտահանումից։ Մսի արտահանման ընդհանուր ծավալը կազմում է 5,8 հազար տոննա։

---

---