Ադրբեջանը Վրաստանի քաղաքացիներին թույլ է տալիս օդային ճանապարհով մուտք գործել երկիր
Վրաստանի և 16 այլ պետությունների քաղաքացիներին թույլ կտան օդային ճանապարհով մուտք գործել Ադրբեջան, հայտնում է Sputnik Ադրբեջանը։
Այս որոշումը բխում է Ադրբեջանի վարչապետ Ալի Ասադովի կողմից ստորագրված «Հատուկ կարանտինային ռեժիմի երկարաձգման և որոշակի սահմանափակումների վերացման միջոցառումների մասին» որոշման մեջ կատարված փոփոխություններից։
Փաստաթղթի համաձայն՝ օդային ճանապարհով Ադրբեջան մուտք գործելու թույլտվություն կտրվի հետևյալ երկրների քաղաքացիներին և այդ երկրներում մշտապես բնակվող այլ երկրների քաղաքացիներին, ինչպես նաև քաղաքացիություն չունեցող անձանց։ Այս ցանկում են Ալբանիան, Դոմինիկյան Հանրապետությունը, Ֆիլիպինները, Վրաստանը, Հնդկաստանը, Ինդոնեզիան, Իրանը, Կոլումբիան, Մոլդովան, Ուզբեկստանը, Պակիստանը, Պերուն, Տաջիկստանը, Թաիլանդը, Թունիսը, Թուրքմենստանը և Վենեսուելան։
Հունվարի վերջին Բելառուսի և Ռումինիայի քաղաքացիներին, ինչպես նաև այլ պետությունների քաղաքացիներին և այդ երկրներում մշտապես բնակվող քաղաքացիություն չունեցող անձանց թույլատրվել է օդային ճանապարհով մուտք գործել (և դուրս գալ) Ադրբեջան։
Opinion, pooling and voting
