Օկացեի ջրվեժը ժամանակավորապես փակվել է
«Հարգելի ճանապարհորդներ, տեղեկացնում ենք, որ տեխնիկական աշխատանքների պատճառով Օկացեի ջրվեժը ժամանակավորապես փակ է այցելուների համար։
Այս տեղեկությունը երեկ տարածել է Պահպանվող տարածքների գործակալությունը։
Գործակալությունը բացատրություններ է տալիս տարածքի փակման մասին, սակայն չի նշում, թե որ ժամանակահատվածում է փակվել Վրաստանի ակտիվ զբոսաշրջային վայրերից մեկը։
«Ինչպես գիտեք, Օկացեի ջրվեժը գտնվում է Կինչխա գյուղում՝ ժայռոտ տեղանքի վրա։ Այցելուների անվտանգ տեղաշարժն ապահովելու համար տարածքը մշտական հսկողության կարիք ունի։ Այս փուլում պլանային մոնիտորինգ է իրականացվում՝ ուսումնասիրելու երկրաբանական գործընթացները, այդ թվում՝ քարաթափումները, ինչի պատճառով տարածքը որոշ ժամանակով փակվել է։ Հանրությանը հավելյալ տեղեկատվություն կտրամադրենք Պահպանվող տարածքների գործակալության պաշտոնական կայքի և ֆեյսբուքյան էջերի միջոցով»,- պարզաբանում են գործակալությունից։
Նրանց խոսքով, Օկացեի ջրվեժի յուրահատուկ բնույթը և էկոտուրիզմի ծառայությունները մեծ հետաքրքրություն են ներկայացնում ինչպես Վրաստանի քաղաքացիների, այնպես էլ օտարերկրյա այցելուների համար։ 2021 թվականին, համաճարակի ֆոնին, Օկացե ջրվեժ է այցելել 17 247 այցելու։
Տեղեկատվության համար նշենք, որ 2021 թվականին մայիսի 26-ին Պահպանվող տարածքների գործակալությունը վերսկսել է այցելուների ընդունելությունը և 6 ամսում ընդունել մինչև 600,000 այցելուի։
Վրաստանի պահպանվող տարածքները շարունակում են այցելուներ ընդունել՝ Վրաստանի կառավարության և Առողջապահության համաշխարհային կազմակերպության կողմից մշակված բոլոր համապատասխան առաջարկություններին համապատասխան։
Opinion, pooling and voting
