Թբիլիսիի անվճար ճաշարաններում օրական սնվում է մոտ 7000 մարդ
News Georgia լրատվական գործակալության փոխանցմամբ՝ Թբիլիսիի Նաձալադևիի շրջանում գտնվող 10 անվճար ճաշարանում ամեն օր սնվում է մոտ 7000 մարդ։ Այդ մասին հայտնել է շրջանի ղեկավարությունը, որն իրականացնում է անվճար ճաշարանների նկատմամբ վերահսկողություն։
Սոցիալապես անապահով քաղաքացիները անվճար ճաշարաններում կարող են սնվել ժամը 11:00-15:00-ին։ Անվճար ճաշարաններում հիմնականում սնվում են տարեց անձինք, որոնք տարբեր պատճառներով մնացել են առանց ազգականների հոգատարության։
Շրջանի ղեկավարությունը պարբերաբար ստուգումներ է իրականացնում անվճար ճաշարաններում՝ համոզվելու համար, որ մարդիկ դրանցում ստանում են որակյալ սնունդ ու սպասարկում։