Վրաստանում մեկնարկել է հողերի անվճար գրանցման ծրագիրը

Վրաստանի արդարադատության նախարարության հանրային ռեգիստրի ազգային գործակալությունը երկրի ողջ տարածքում սկսել է հողերի համակարգային գրանցման գործընթացը, ասվում է գործակալության կայքում։

Համակարգային գրանցման գործընթացը փուլերով կիրականացվի երեք տարվա ընթացքում՝ մինչև 2024 թվականը ներառյալ և կընդգրկի հանրապետության 59 մունիցիպալիտետներ։

2022 թվականի մայիսից այս ծրագրից կարող են օգտվել Նինոծմինդայի մունիցիպալիտետի Սաթխայի գյուղական համայնքը և Ջիգրաշենի գյուղական համայնքը։ Նինոծմինդայի մունիցիպալիտետի մնացած գյուղական համայնքներն այս ծրագրից կարող են օգտվել 2023 և 2024 թվականներին։

Թե որ գյուղական համայնքներում և որ տարում նրանք կկարողանան օգտվել այս ծրագրից, մանրամասն կարող եք տեսնել ստորև տեղադրված նկարում։

Կադաստրային աշխատանքների մեկնարկի կարգը որոշվել է հետևյալ չափանիշներով.

• գրանցված տարածքի բացակայություն.

• գրանցման ենթակա հողամասերի քանակը

• Բնակչություն

• Աշխարհագրական դիրքը

• Կլիմայական պայմանները։

Համակարգային գրանցման շրջանակներում քաղաքացիները անվճար կստանան հետևյալ ծառայությունները.

• Հողամասերի կադաստրային պլանավորում/աշխատանքներ

• Իրավունքը հաստատող փաստաթղթերի որոնում և համակարգում.

• Գործարքի կողմերի ստորագրությունների վավերացում

• Նոտարական միջնորդություն

• Հողի սեփականության ճանաչում

• Փաստերի շարադրում

• Հողամասի գտնվելու վայրի որոշում, նույնականացման քարտ՝ իրավունքը հավաստող փաստաթղթով

• Հողամասի սեփականության իրավունքի գրանցում և դրանում փոփոխություններ։

Հավելենք, որ կարող եք հողատարածքները գրանցել Արդարադատության տներում, Հանրային ռեգիստրի մասնաճյուղերում և Վրաստանի հանրային կենտրոններում։

---

---