Facebook-ը արգելել է ռուսական պետական լրատվամիջոցների գովազդը
Facebook-ը՝ կապված Ուկրաինայի շուրջ ստեղծված իրավիճակի հետ, արգելում է ռուսական պետական լրատվամիջոցներին գովազդել և դրամայնացնել իր հարթակում, հայտարարել է սոցցանցի կիբերանվտանգության բաժնի ղեկավար Նաթանիել Գլեյհերը։
Գլեյհերի խոսքով՝ Facebook-ը «ուշադրությամբ հետևում է Ուկրաինայի իրավիճակին»։
«Այժմ մենք արգելում ենք ռուսական պետական լրատվամիջոցներին գովազդել կամ դրամայնացնել մեր հարթակում աշխարհի ցանկացած կետում»,- գրել է նա Twitter-ում։
Ռուսական լրատվամիջոցները արդեն ծանուցում են ստացել որտեղ գրված է։
«Ձեր էջի եկամուտ ստեղծելու հնարավորությունը սահմանափակ է դրամայնացման խախտումների պատճառով», – ասվում է այնտեղ:
Ավելի վաղ «Ռոսկոմնադզորը» մասնակի սահմանափակումներ էր մտցրել Facebook-ի հասանելիության վրա՝ Ռուսաստանի տարածքում։
Opinion, pooling and voting
